Mahigit 15,500 na indibidwal, inilikas sa Camarines Sur

Umabot sa 15,511 indibidwal o 3, 830 pamilya ang inilikas dahil sa Bagyong Bising sa Camarines Sur, hanggang kahapon nasa ilalim ng Wind Signal No. 2 ang silangang bahagi ng lalawigan.

Pinakamaraming naitala ang bayan ng Presentacion na mayroong 3, 136 indibidwal o 733 na pamilya. Dahil sa patuloy na pag-ulan kahapon, sinabi ni MDRRM Officer Regina Bea na nadagdagan pa ang kanilang evacuees ng mahigit 200 na pamilya.

Ayon pa sa MDRRM Officer sinikap nilang mailikas kaagad ang mga nasa coastal barangays at landslide prone areas.
Ang mga hindi pumunta sa evacuation centers ay namalagi sa mga Kabarangay Shelters, mga kaanak o mga may malalaking bahay na maaaring magpatuloy.

Kulang kase aniya ang evacuation center lalo pa ngayong may pandemya.

Pagbabahagi pa ni Bea, ganito rin ang sitwasyon sa iba pang mga bayan , sinikap na masunod ang social distancing upang maiwasan ang paghawa ng COVID-19.

Leave a Reply

Your email address will not be published. Required fields are marked *