Mahigit 50 sakong certified seeds agad na naipamahagi sa Balud, Masbate dahil sa kakaibang mensahe ng acting mayor

SORSOGON CITY – Aabot sa 29 na magsasaka  ng Brgy Casamongan, Balud, Masbate ang nabiyayaan ng 56 na sako ng certified seeds mula sa Municipal Agriculture Office, ito ay matapos na makatanggap ng mensahe sa pamamagitan ng sulat mula sa Acting Mayor nito na si Felimon Abelita III ang nasabing opisina.

Nakasaad sa sulat ng alkalde sa wikang English ang mga katagang “ Should you fail to follow this directive without justifiable cause, you will be required to explain in writing why no insubordination complaint will be filed against you and your staff who will not follow the directive.”

‘’No comment’’ naman ang sagot ng MAO sa nasabing mensahe ng alkalde subalit sinabi ng mga ito na kaagad naman talaga nilang ipinamamahagi ang mga binhi dahil maiinfect ng ‘molds’ ang mga ito kapag matagal na naimbak.

Ang bayan ng Balud ay isang 4th class municipality na mayroong 27 coastal barangays at limang upland barangays. Tanging pagsasaka at pangingisda ang pinagkukunan ng hanapbuhay ng mga mamamayan dito.

Leave a Reply

Your email address will not be published. Required fields are marked *