MAKAR PNP NAKATALA OG HUBOG, PHYSICAL INJURY UG GI ALEGAR NGA SABONG ATOL SA SUNDAY LOCKDOWN

Nagpahigayon og Oplan kabalikat ang Makar PNP atol sa Sunday lockdown aron mapatumanang Executive Order 28 sa syudad.

Sumala kay PM Patrich Elma kuyog nila ang taga Barangay og Force Multipliers aron mapahugtan ang pagpatuman sa Sunday Lockdown sugod alas otso sa buntag.

Ang resulta limitado lang daw ang naga gawas nga mga tawo sa ilang kabalayan luwas sa mga essential workers,samtang adunay usa ka tawo nga gi kustodiya sa Makar PNP  nga naga bakhu og naga singgit-singgit,apan pahuwasan pa sa kahubog ang mao nga tawo aron masayran kung asa kini nagpalit og bino nga bawal mana ng pag inum niiining panahuna gumikan sa liquor ban.

Samtang usa sa natala sa Makar PNP alas unse sa udto adunay impormasyon nga niabot kanila nga adunay nagsabong sa Area sa Saway Labangal gi respondihan ni PCpl Tadios apan wala daw sabong sa lugar.

Sunod nga natala sa Blotter ang ang gi alegar nga Physical Injury,pagpanumbag og ang reklamante mao si Elizardo Mejia 73 anyos nga taga Zone 4A Saway Labangal.

Nagpatala nga gisumbag daw siya sa nagpangalang Eusebio Geronemo nga taga KPS Labangal, amahan ni Kapitan Lorelie Pacquiao alas diyes sa buntag sa KPS sa walay naga kaigo nga hinungdan.

Tungod niini gihatagan og Form ang reklamante alang sa Medical Request unya ang disposasyon sa Pulis itugyan ngadto sa Barangay ang mao nga Reklamo sa pagpanumbag.

Leave a Reply

Your email address will not be published. Required fields are marked *