Ginpabaskog it Department of Health (DOH) ro andang case surveillance effort sa rehiyon agud mapadayon ro malaria-free status it Western Visayas.
Base kay Maria Lourdes Monegro, malaria program coordinator it DOH Region 6, ro mga local government units (LGUs) hay ginamanduhan para paeaparon ro case surveillance, early diagnosis, pagbuoeng, pagpabaskog it vector control, ag health advocacy.
Nauna dikara, nagpaguwa man ro taeatapan it memorandum 2021-0437 sa malaria screening it mga nagauli nga mga overseas Filipino workers (OFWs) halin sa malaria endemic nga mga nasyun.
Ro mga OFW halin sa mga malaria-infected nga mga nasyun hay dapat subaybayan it mayad para sa ano man nga mga sintomas it malaria agud malikawan ang pagsuoed it nasambitan nga sakit, kapin pa sa mga lugar nga gindeklara nga malaria-free.
Ro mga probinsiya it Iloilo, Guimaras, Aklan, ag Capiz hay gindeklara nga malaria-free ku 1995 samtang ro probinsiya it Antique hay gindeklara eamang ku 2019.
Ro Nobyembre hay Malaria Awareness Month./JIL B. LACSON