BNFM BICOL – Mararanasan ang isang malawakang Power Interruption sa lalawigan ng Catanduanes sa darating na Linggo, Hunyo 30, 2024 simula alas-5 hanggang alas-10 ng umaga.
Mararanasan ito sa mga bayan ng San Andres, Bato, San Miguel, Baras, Caramoran, ilang bahagi ng Virac, Viga, Pandan at Panganiban.
Ayon sa First Catanduanes Electric Cooperative Inc. (FICELCO ang nasabing malawakang power interruption ay bunsod ng isasagawang line maintenance at system improvement kagaya ng pag-install ng feeder metering at pagpapalit ng disconnect switches sa mga nabanggit na bayan.
Maaaring maibalik ang supply ng kuryente pagkatapos ng isasagawang maintenance. ### Rumer Grant, Intern