Nagpatigayun ro Malay Municipal Police Station ag Aklan PECU it sang adlaw nga Bomb Identification and Detection Security Awareness Seminar sa Caticlan Jetty Port, Malay, Aklan.
Ro nasambit nga aktibidad hay ginpartisiparan it Malay PNP personnel ag uniformed and non-uniformed personnel it Caticlan Jetty Port sa pagpamuno ni Mr. Esel Flores, Port Administrator.
Ro mga Resource speakers sa nasambit nga seminar hay sanday PCMS Genesis D Reynaldo, Bomb Tech/K9 Handler/Ass’t. Chief, Aklan PECU sa pagpamuno ni PLT VENGIE R RE PEDRO, Chief, Aklan PECU.
Pila sa mga topikong gintalakay hay ro Improvised Explosive Device Awareness, IED components, bomb threat management, ag police procedures sa pagresponde sa bomb threats.
Gintalakay man ro Presidential Decree No. 1727 o Anti-Bomb Scare Joke Law.
Ro nasambit nga seminar hay kabahin it preparasyon it Philippine National Police para sa Barangay and Sangguniang Kabataan Elections, ag inisyatibo it Aklan PECU nga ma-eksplikar sa mga miyembro it Electoral Boards (EBs) ag PNP Personnel nga iga-deploy para sa eleksyon. // ANN DESLENE SALAZAR