NAGA CITY- Pinagbawal muna ng Phippine Coast Guard ang paglalayag ng maliliit na sasakyang pandagat sa Camarines Sur dahil sa Amihan.
Sa sea travel advisory ng PCG kaugnay ng gale warning #7 ng PAGASA, inaalerto ang mga bangkero sa malalakas na alon.
Sa Mapid, Lagonoy , Camarines Sur dinala na sa mas mataas na lugar ang mga bangka upang maiwasang masira dulot ng paghampas ng alon.
Sa Siruma naman , sinabi sa Brigada News FM Naga ni MDRRM Officer Cyril Barbosa , inabisuhan na ang mga mangingisda na huwag pumilit lalo na nag mga nakakarating sa dagat pasiko.
Hangad ng PCG ang kaligtasan ng mga bangkero, pasahero’t mangingisda.