Padayon nga gina patuman ru hugot nga monitoring it LGU-Malinao sa tanan nga mga naga pasueod nga alagang baboy halin sa 23 ka mga kabarangayan.
Suno kay Malinao Mayor Josephine I. Iquiña, matapos nga pumaguwa it Executive Order si Governor Joen Miraflores angot sa paghigpit it monitoring sa mga live stocks nga naga pasueod sa kada municipalidad, hay hugot man ru gina patuman nga monitoring.
Kapin pa sa makaron nga sunod-sunod ru mg akapiestahan sa mgakabarangayan it Malinao.
Obligado ru kada panimaeay nga maga sunod sa tanan nga gina katay nga baboy hay paga katayon sa slaughter house it Malinao.
Katuyu-an kara nga masigurado nga indi makasueod ru African Swine Fever (ASF) sa nasambit nga municipalidad.
Sa makaron, may kapin sa 3 barangay sa Malinao ru maga selebrar it kapiestahan sa makarong buean it Mayo particular sa Barangay Malandayon, Tigpalas ag San Dmas.//MARIVIC YL ILIN