Arestado ang isa ka 54-anyos nga mamumugon matapos nadakpan sa akto nga nagapataya sang “Bookies” sa Brgy. Cabugao, Panay, Capiz pasado alas 11:00 sang udto, Dominggo, Agosto 13.
Ginkilala ang naaresto kay Juanito Bascos alyas “Nitoy”, residente sang nasambit nga lugar.
Natigayon nga nadakpan si Bascos matapos nagpataya sa pulis nga nagpakuno-kuno bettor.
Narekober sa posisyon ni Bascos ang 1 stub improvised cotejo, P150 nga cash kag ballpen.
Sa karon, yara na sa kustodiya sang Panay PNP ang suspetsado kag natalana nga pasakaan sang nagakaigo nga panumbungon. | Judy Ann Juare