Arestado ang isa ka 30-anyos nga mamumugon matapos ginserbihan sang mga kapulisan sang warrant of arrest sa Pueblo de Panay, Brgy. Lawaan, Roxas City pasado alas 9:00 sang aga, Huwebes, Agosto 17.
Ginkilala ang akusado kay John Cyril Tejada alyas “Dong-dong”, residente sang Sitio Jail, Brgy. Lawaan, Roxas City.
Nagapangatubang sang kaso nga paglapas sang P.D 1602 nga amendado sang RA 9287 ukon Anti-Illegal Gambling Law si Tejada.
Ang warrant of arrest ang gin-isyu kag ginpirmahan ni Judge Kristine B. Tiangco-Vinculado, RTC, 6th Judicial Region, Branch 16, Roxas City napetsahan Agosto 14, 2023.
Sa karon, nagapabilin ini sa kustodiya sang Roxas City PNP para sa nagakaigo nga disposisyon. | Judy Ann Juare