Pilason ang isa ka mamumugon matapos ginlabo sang iya kainuman kag kaupod sa trabaho sa Brgy. Maluklok, Ivisan, Capiz pasado alas 4:00 kahapon sang Martes, Hulyo 4.
Ginkilala ang biktima kay Roland Opanto, 35-anyos, residente sang Brgy. Marubrob, Sapian, Capiz.
Samtang ang ginatudlo suspek amo si Joan Barrios, 42-anyos, residente sang Brgy. Maluklok, Ivisan.
Sandig sa imbestigasyon sang Ivisan Municipal Police Station, nagainom-inom sang makahulubog nga ilimnon ang biktima kag ang suspek kaupod ang ila mga barkada sang hinali na lang may nagpatunga nga indi pag-intindihanay sa duha.
Ginapahayag nga nagkuha sang matalom nga hinganiban si Barrios kag ginlabo sa agtang si Opanto.
Madasig naman nga ginpadangat sa Roxas Memorial Provincial Hospital ang biktima para sa nagakaigo nga pagbulong. Ginkustodiya naman sang mga kapulisan sa Ivisan PNP ang suspek para sa nagakaigo nga disposisyon. | Judy Ann Juare