Management han CAAP 8, dako an pasasalamat ha tagsa personnel ha pagserbi ha mga biyahero durante han Semana Santa

Mapasinalamaton an bug-os nga management han CAAP Area Center VIII ha tagsa personahe nga nanalimbasog durante han malinampuson nga pagselebrar han Lenten Season. 

Sumala kan, Cluster Head Engr. Danilo Abareta, dako an iya pasasalamat ha airport management para mga aludayday nga ginpatuman para ha seguridad ngan maseguro an kahimyang ngan katalwasan han tanan durante han kinada tuig nga activation han “Oplan Biyaheng Ayos: Semana Santa 2023” nga nagtikang dida han Abril 2, 2023 tubtob Abril 10, 2023.

Samtang, kumo mandato, an Malasakit Helpdesk in naghatag hin mga helpkits ha mga pasahero labi an mga senior citizens, pregnant women, persons with disablity (PWD) labi an mga parents nga kaupod an ira mga gudti nga anak ngan baby kun diin mayda an mga ini sulod nga tubig, snacks, alcohol spray ngan wet wipes.

Nagpapadayon naman an monitoring han CAAP helpdesk ha flight operations ha posibilidad nga magdaramo an mga pasahero nga mangunguli ha tagsa lugar labi na nga mabalik na an regular work ha mga opisina han gobyerno yana nga semana.

Leave a Reply

Your email address will not be published. Required fields are marked *