Wa nay nahimo pa ang usa ka lalaking mananagat human nga gidakop kagahapon sa sayo sa buntag, Martes, Pebrero 28, 2023, didto sa kadagatan sa Brgy. Ipil niining dakbayan sa Ormoc.
Aktong nasakpan sa mga kapulisan si Renelito Luzon y Barredo, 39-anyos ug residente sa Purok 1 Brgy. Bagong Buhay sa nahisgutang dakbayan.
Ang pagkasikop sa mananagat nonot sa Violation of Fishing Ordinance No. 097 (Unauthorized Fisheries Activities) Section 19 series of 2002.
Sa impormasyong nakuha sa Brigada News FM Ormoc, nasakpan daw nga migamit og di rehistrado nga fishing gear ug usa ka motorized pump boat si Luzon. Narekober gikan sa dinakpan ang usa ka Fishing Gear (Long Line) nga mokantidad og Php 500, usa ka Motorized Banca nga gibana-bana usab nga mokantidad og Php 12,000 pesos, ug 1 ka kilo nga isda (Rumpe).
Ang tanang nakompiska nga mga butang ang gitunol ngadto sa Fishery Coastal Aquatic Resources Management Division (FCARMD) office.
Samtang ang dinakpan ang gi-isyuhan og citation ticket alang sa bayranan niini nga multa.