DAKPAN ang usa ka Most Wanted Person sa mga personahe sa Hagonoy Municipal Police Station nga gipanguluhan ni PCpt. Neil T Jamila, hepe sa maong stasyon, kauban ang mga personahe sa Sta Cruz MPS, DSPPO PIU, 1104th Regional Mobile Force Battalion (RMFB) ug CIDG PFU Davao Sur sa Barangay Patulangon, Sta. Cruz Davao Del Sur alas 4:00 sa hapon sa milabay’ng Biyernes.
Malampuson nga natunol ang Warrant of Arrest, ngadto kang Alyas “Loloy”, 50, mananagat ug taga-Barangay Patulangon, Sta. Cruz, Davao del Sur.
Ang warrant of arrest gi isyu ni Hon. Carfelita B Cadiente-Flores, Acting Presiding Judge sa Regional Trial Court, Branch 61 Digos City, Davao del Sur nga dunay kalabotan sa kasong pagpanulis.
Mukabat sa P100,000 ang girekomendang piyansa alang sa temporaryong kagawasan sa nasangpit nga suspek.