PUKOT sa kamot sa otoridad ang usa ka mananagat human sa gihimong pagpanlugos, sa may Purok-6 Barangay Naburos, Baliangao, Misamis Occidental nga nahitabo kaniadtong Hunyo 10, ning tuiga.
Giilang si RUEL FOREMENTO MACALISANG, (Top 2 Most Wanted Person Municipal Level) 38 anyos, minyo, mangingisda, ug residente sa nasangpit nga lugar.
Ang suspetsado gidakup pinaagi sa bisa sa Warrant of Arrest nga giisyu ni Hon Michael Ajoc, Presiding Judge sa Regional Trial Court Branch 36, Calamba, Misamis Occidental nga naka-dock sa ilalum sa Criminal Case No. 7610, sa kasong pagpanlugos, nga wala’y girekomenda nga piyansa.
Ang suspetsado naa karon sa kustodiya sa Baliangao MPS alang sa husto nga disposisyon.(Jean Ruben)