Mangingisda patay nang sumabog ang hawak na improvised dinamita; isa sugatan

SORSOGON CITY – Patay ang isang mangingisda matapos umanong sumabog ang hawak nitong improvised na dinamita sa bote na gagamitin sana sa pangingisda sa dagat na sakop ng Brgy Ubo sa bayan ng Balud, Masbate.

Kinilala ang nasawi na si Aguido Bornales Gabriel, 23-anyos, may kinakasama habang ang sugatan ay nakilalang si Hennil Ausa Laurio, 22-anyos, may kinakasama at parehong residente ng nasabing barangay.

Sa ulat, nakatanggap ng tawag ang himpilan ng Balud Police mula sa isang concerned citizen hinggil sa dynamite explosion.

Sa pahayag sa Brigada News Sorsogon ng Balud Police, kalunos-lunos umano ang sinapit ng biktima nang maiahon ito sa dagat-lasog-lasog ang katawan at putol ang isang kamay. Si Laurio naman umano ay kasalukuyang nagpapagaling pa sa ospital.

Patuloy pa rin ang imbestigasyon ng hanay ng pulisya sa insidente, kabilang na dito ang pagkalap ng impormasyon kung matagal nang gumagamit ng dinamita sa pangingisda ang mga biktima at kung saan sila kumukuha ng dinamita.

Leave a Reply

Your email address will not be published. Required fields are marked *