Pilason ang isa mangunguma matapos ginbuno sang kaupod man niya nga mangunguma takna alas 7:00am sang aga sa barangay Quinabcaban Dao, Capiz.
Ginkilala ang biktima kay Alvino Veto Fontilon, yara sa husto nga edad, kag residente sa nasambit nga lugar samtang ang ginatudlo suspek amo si Rorberto Acorio Marcelino, 54-anyos kag residente sang Barangay Cogon, Sigma, Capiz.
Sandig sa inisyal nga imbistigasyon nagikan sa Dao PNP, ginapahayag nga samtang nagakatulog ang suspek hinali lang nga ginsumbag ini sang biktima rason nga nakabugtaw si Marcelino kag ginbuno si Fontilon gamit ang isa ka kutsilyo nga nakatungtong sa lamesa.
Gilayon nga ginpadangat sa ospital ang biktima bangud sa pilas nga naangkon.
Sa karon, nagapabilin sa kostudiya sang kapulisan ang suspek para sa nagakaigo nga disposisyon.