Nakahunong karon sa karsel sang Mambusao PNP ang isa ka lalaki matapos ginserbihan sang warrant of arrest sa Barangay Atiplo, Mambusao, Capiz.
Ginkilala ang nadakpan kay Brandon Nucop Loro,23-anyos, kag residente sang nasambit nga lugar.
Nagapangatubang si Loro sa pagbayolar sang section 5 (B) Article lll sang Republic Act 7610 ukon Child Abuse Law.
Ang warrant of arrest gin-isyu ni Hon. Cristina Geronimo Juanson, Presiding Judge, Family Court, 3rd Judicial Region 5, San Jose Bulacan kag napetsahan sang hulyo 15, 2021.
Ginrekomendar naman sang korte ang piyansa nga P200,000 para sa temporaryo nga kahilwayan sang akusado.
Sa karon,nagapabilin ini sa kostudiya sang kapulisan para sa nagakaigo nga disposisyon kag natalana nga iturn over sa court of origin.//KMD Gicalde