Patay na sang nasapwan ang isa manunudlo sa sulod sang iya kwarto sang ila balay sa Barangay Lunayan, Cuartero, Capiz.
Ginkilala ang biktima kay Roland Batacandulo Bartocillo, 50-anyos, wala sang asawa kag residente sang nasambit nga lugar.
Sandig sa panaysayon sang iya utod nga si Maam Rene-Ann Bartolocillo, isa man ka manunudlo, iya ginpahayag nga ginkakibot nalang sini nga ginbalitaan siya nga wala na sang kabuhi kag nagapalanggit-om na sang nasapwan ang iya nga magulang.
Nahibaluan nga nagasuprehir sang hypertension ang biktima kag nagapati ang pamilya nga gin-atake ini sang iya nga balatian.
Ginpadangat pa ini sa Cuartero Rural Health Unit kag gindeklara sang doktor nga dead on arrival.
Sa karon, yara na ang bangkay sang biktima sa isa ka punerarya sa nasambit nga banwa. | Judy Ann Juare