Maraming barangay sa region 12, may mataas na risgo ng baha at landslide

KORONADAL CITY- PRONE sa pagbaha at landslide ang maraming barangay sa Soccsksargen region batay sa assessment ng Mines and Geosciences Bureau o MGB Region 12.

Sa isinagawang 2021 National Disaster Resilience Month virtual caravan, inihayag ni MGB-12 Supervising Geologist Ariel Acosta na 84.1% o 1,005 ng 1,195 barangays sa rehiyon 12 ang may mataas na risgo sng pagbaha kung saan 503 sa mga flood-prone barangays ay nasa North Cotabato, 167 sa South Cotabato, 152 sa Sultan Kudarat, 139 sa Saranggani, 27 sa Cotabato City at 17 sa General Santos City.

Samantalang sa landslide, 730 o 61.09% ng 1,195 barangays ang itinuturing na highly susceptible.

Pinakamarami sa mga landslide prone barangays ay nasa North Cotabato na umabot sa 330, 131 sa Sultan Kudarat, 118 sa Saranggani at 118 din sa South Cotabato, 18 sa General Santos City at isang barangay sa Cotabato City.

Ayon kay Acosta na naalerto na ang mga concerned LGU sa risgo na kinakaharap ng kanilang mga lugar sa pamamagitan ng mga ipinamahaging geohazard maps ng MGB.

Maliban sa baha at landslide, nagsasagawa din ang MGB 12 ng assessment sa mga sinkholes.

Leave a Reply

Your email address will not be published. Required fields are marked *