Isinailalim ni Pangulong Rodrigo Duterte ang maraming probinsya sa modified enhanced community quarantine dahil sa magsipa ng COVID-19 cases sa mga nakalipas na linggo.
Sa Talk to the Nation ng Pangulo ay sinabi niya na isasailalim ang bulacan sa general community quarantine “with some restrictions” mula June 16 hanggang June 30, 2021.
Malalagay naman ang Rizal, Laguna at Cavite sa GCQ with heightened restrictions hanggang sa katapusan ng June.
Ipatutupad rin ang mas mahigpit na MECQ sa Santiago, Cagayan, Apayao, Ifugao, Bataan, Lucena, Puerto Princesa, Naga, Iloilo City, Iloilo Province, Negros Oriental, Zamboanga City, Zamboanga Sibugay, Zamboanga del Sur, Zamboanga del Norte, Cagayan de Oro, Davao City, Butuan City, Agusan Del Sur, Dinagat Islands, at Surigao del Sur.
Mapapasailalim rin ng GCQ ang Baguio, Kalinga, Mountain Province, Abra, Benguet, Isabela, Nueva Vizcaya, Quirino, Batangas, Quezon, Iligan City, Davao del Norte, General Santos City, Sultan Kudarat, Sarangani, Cotabato, South Cotabato, Lanao Del Sur, Cotabato City.
Samantala, ipatutupad naman sa natitirang bahagi ng bansa ang modified general community quarantine.