Muling tiniyak ni President Ferdinand Marcos Jr. na buo ang kanyang suporta sa mga layunin ni Vice President at Education Secretary Sara Duterte para mapaganda ang basic education system ng bansa.
Sa kanyang talumpati sa presentasyon ng Basic Education Report (BER) 2023 ng Department of Education, muling tiniyak ni Marcos ang kanyang pangako na tutulong sa sektor ng edukasyon, maging sa mga learners.
Ayon sa pangulo, na kabilang sa maraming hakbang na gagawin ay ang pagtatayo ng mga infrastructure para makapagbigay ng healthy learning environments.
Samantala, sinabi pa ng punong ehekutibo na mag-aalok ang pamahalaan ng maraming opurtunidad para suportahan ang pangangailangan ng mga guro pagdating sa usapin ng mga resources, programa at polisya na epektibong magagamit sa kanilang pag-ganap sa tungkulin bilang mga mentor ng mga kabataan.