Marcos, nilagdaan ang batas na magbibigay ng two-year tour of duty sa top military execs

Nilagdaan na ni Pangulong Ferdinand “Bongbong” Marcos Jr. ang batas na layung palakasin ang professionalism sa Armed Forces of the Philippines, na kabilang sa inamyendahang probisyon sa tour of duty at appointment ng mga key military officers.

Kaugnay nito, pinirmahan ni Marcos ang Republic Act No. 11939, o ang An Act Further Strengthening Professionalism and Promoting the Continuity of Policies and Modernization Initiatives in the Armed Forces of the Philippines, and Amending for this Purpose Republic Act No. 11709.

Matatandaan na nilagdaan ng predecessor ni Marcos na si Rodrigo Duterte, ang Republic Act No. 11709 noong Mayo ng nakaraang taon.

Sa ilalim ng bagong batas, ang Commanding General, Philippine Army; Commanding General, Philippine Air Force; Flag Officer in Command, Philippine Navy; at Superintendent, Philippine Military Academy ay may maximum tour of duty na dalawang magkasunod na taon.

Ang naturang mga opisyal din ay hindi na magiging eligible para sa anumang posisyon sa AFP, maliban kung mag-promote bilang Chief of Staff. //MHEL PACIA

Leave a Reply

Your email address will not be published. Required fields are marked *