Masobra 4M nga balor it illegal nga droga, nakumpiska sa Random Checkpoint Operation sa Capiz

Naaresto it mga otoridad ro sangka drug suspek ag nakumpiska ro 4 milyong balor it shabu sa sangka checkpoint sa Barangay Bailan, Pontevedra, Capiz kabii.  

Ginkilaea ro inarestong si ROBERT DELA CRUZ y APEROCHO, 59 anyos ag residente it Brgy. San Jose, Roxas City.

Owa segun ginsapaka it nasambit nga suspek ro checkpoint ag madasig nga ginpadaeagan ro anang motorsiklo rasun nga gin-eagas imaw it mga pulis.

Sa pagkaaresto sa suspek, nabuoe sa anang posisyon ag kontrol ro 24 nga sachets it suspected shabu nga may timbang nga 595 grams nga nagabalor it P4,046,000.00; sangka 9mm pistol ag sangka 32 caliber pistol nga may mga bala.

Nagapangatubang man sa kasong pag eabag sa Republic Act 9165 ag Republic Act 10591 ro suspek nga sa kustodiya eon it Pontevedra Police Station. / ANN DESLENE SALAZAR

Leave a Reply

Your email address will not be published. Required fields are marked *