Gindakop ag ginpangmultahan it Iloilo City Anti-Smoking Task Force (ICAST) ro kabilugan nga 7,278 smokers ag e-cigarette users nga nadakpan nga naga panigarilyo ag nag-vape sa mga pampublikong lugar sa syudad.
Base sa pamunuan it ICAST, ginaeauman eon nanda ro pag abo it mga maga eapas, kaeakip ro mga estudyante, bangud ginpabaskug man it ahensya ro andang operasyon.
Ro Iloilo City Anti-Smoking Ordinance hay may penalidad sa mga indibidwal nga madakpan nga nagapanigarilyo sa mga ginabawae nga lugar.
P1,500 and/or three days imprisonment sa first offense; P2,000 and/or five days imprisonment sa second offense, ag P5,000 and/or 10 days imprisonment sa third offense. // ANN DESLENE SALAZAR