No debe segun hace sayang con el tianza para registra na mass voters registration na sigiuente mes de Septiembre.
Este el cosa ya habla el Election Officer Atty. Stephen Roy Cañete, sigiuendo el principio del Nationwide voters registration principiando na Septiembre 1 hasta 30.
Tianza ya segun para oji el voz del maga ciudadanos por medio de escogi con el buen lider quien hay sinta para na sigiuente eleccion ambos na govierno nacional y local, especialmente aquellos maga ya man delist porcausa por cuantos eleccion nohay puede vota.
Mientrastanto, ya hace mas largo el COMELEC con el registration hours principiando alas 8 del aga hasta alas 7 del noche na dia de Lunes hasta Viernes, mientras para na dia de Sabado y Holiday hay principia este alas 8 del aga hasta alas 5 del tarde.(BNFM Zamboanga)