Matapos ang 12 taon na pagtatago, rank No. 4 Regional Most Wanted Person ng PRO5, arestado

Arestado ang 48-anyos na magsasaka makaraang hainan ito ng kanyang warrant of arrest sa Brgy Caditaan, Magallanes, Sorsogon.

Kinilala ang akusado na si Octavio Genorga Hoquis alias Ramir, binata at naninirahan sa nasabing barangay. Itinuturing ito na No. 4 regional most wanted person.

Sa pahayag sa Brigada News ng hepe ng Magallanes MPS na si PCpt Edwin De la Peña, sinabi nito na ang suspek ay namataan ng kanilang Intel operatives na umuwi sa kanilang barangay matapos na ito ay magtago sa Maynila ng halos 12 taon.

Ayon pa sa opisyal, nangyari ang krimen noong 2010 pa kung saan binaril at napatay nito ang suspek na nagnakaw ng kanyang niyog.

Sa pag-aakala umano na nakalimutan na ang kanyang krimen na nagawa makalipas ang mahigit 10 taon ay umuwi ito sa kanilang lugar subalit namonitor ng mga operatiba ng paniktik o Intel operatives ng Magallanes Police.

Ang warrant of arrest ay agad na ipinalabs ng RTC Br 65 na may petsang Pebrero 21, 2023 na walang inirekomendang piyansa. Tiniyempuhan ito ng mga operatiba at nadakma nga nila noong Biyernes, Marso 3 sa nasabing barangay.

Leave a Reply

Your email address will not be published. Required fields are marked *