GIPAHIMANGNOAN sa mayor sa dakbayan sa Oroquieta nga si Lemuel Meyrick Acosta, ang mga lomulopyo nga mag-doble sa pag-amping og dili kalimtan sa pagsuot sa face mask ug face shield tungod kay ang kaso sa sakit nga COVID-19 nagkataas.
Matud pa sa Mayor nga batukan ang COVID, ug kinahanglan nga magpa-bakuna ang tanang katawhan para mapalig-on ang immune system, nga dili madali-dali sa pakainpeksyon sa maong virus.
Dugang pa nga gibawal sa dakbayan ang pagtapok-tapok diin adunay ordinansa nga gipagawas nga nagdumili sa pagpundo sa daghan nga tawo sa us aka lugar, ilabina karong bulan sa Mayo nga adunay daghan nga fiesta ang gisaulog.
Gihangyo niya ang mga katawhan, ilabina sa mga senior citizens, nga mohilambigit sa vaccination nga mahitabo sa may Misamis Occidental National High School (MONHS), diin aduna nay nakaskedyul nga pagpamakuna sa matag-barangay ning dakbayan.(Sam Tizon)