Mayor Legaspi, ginkasubo ro pag angkon it unang kaso it ASF sa Makato

Ginkasubo ni Mayor Ramon MON D. Legaspi III, nga nakasueod ro andang banwa it Makato it unang kaso it African Swine Fever virus o ASF partikular sa Barangay Alibagon.

Nasayuran nga nakabatun it report ro andang Municipal Agriculture Office nga may mga kaso it pagkamatay it mga baboy sa Barangay Baybay ag Alibagon, ku nagtaliwan nga Mayo 10, 2023.

Ro Office of the Provincial Veterinarian ag Municipal Agriculture Office hay nagbuoe it blood sample sa mga suspected nga mga baboy sa Brgy. Alibagon ag ginpadaea sa DA Regional Animal Disease and Diagnostic Laboratory.

Base sa clinical laboratory result nga may petsang Mayo 12, 2023, positive sa African Swine Fever ro sample nga halin sa Barangay Alibagon.

May sample pa segun halin sa Sitio Hagachac nga pending pa ro resulta kara.

Bangud kara, insigida segun nga nagpaguwa it Executive Order ro alkalde nga magpatigayun it mga preventive measures para mapunggan ro pagkalat it virus sa banwa it Makato ag kaeapit nga mga lugar.

Ginpabaskug man makarun ro monitoring ag surveillance pinaagi it mga border control points eabi eon sa affected Barangays it Alibagon, Baybay ag Tugas. // ANN DESLENE SALAZAR

Leave a Reply

Your email address will not be published. Required fields are marked *