Ginbisitahan ni Roxas City Mayor Ronnie Dadivas ang konstruksyon sang Phase II sang TATC Redevelopment nga pagahamtangan sang Meat and Poultry Section.
Magluwas sa pag-obra sang stalls isa sa gusto ipa-plastar ni Dadivas amo ang maayo nga drainage system, electrical installation kag madamo sang iban pa.
Suno dire, nga may yara pa sang on-going projects nga ipatuman sa TATC agud mas magnami pa gid ang merkado sang syudad.
Target ni Dadivas, nga sa Mayo 12 kadungan sang Founding Anniversary sang Roxas City ma-inagurahan na ang amo nga proyekto.
Ginpadulungan man sini ang konstruksyon sang Bagsakan Center sa Annex Building.
Dugang ni Dadivas, nga timakasan niya nga panamion ang TATC agud mapabugal ini sa tanan.