Nagpaguwa sang Executive order no. 12 series of 2023 si Mayor Ronnie Dadivas may kaangtanan sa selebrasyon sang ika-72 anyos nga KAADLWAN sang Roxas City sa Mayo 12, 2023.
Mahibaluan nga madamo sang gin-preparar nga aktibidades kag programa ang local nga gobyerno sang syudad.
Sa nasambit nga petsa, magapatuman sang Road Closure gani ginalauman ang paggutok sang trapiko.
Ginpakamaayo nalang sang alkalde nga isuspendi ang opisina sa City Government kag klase sa tanan nga lebel sa pribado kag pampubliko nga eskwelahan.
Apang suno dire, ang suspensyon sang trabaho sa National Government offices kag pribado nga kumpaniya, nakadepende sa desisyon sang ila tagsa ka management ukon head of offices. | Judy Ann Juare