Ginhinyo ni Mayor Ronnie Dadivas sa Liga ng mga Barangay ang aktibo nga kooperasyon kag partisipasyon sang 47 ka kabarangayan para sa masadya kag maduagon nga selebrasyon sa Kaadlawan sang Roxas City.
Suno kay Mayor Dadivas, magapasundayag kag magapaindis-indis ang kada Barangay sa Parada sa Kaadlawan sa Mayo 12 kag magasaot sang Tiktok kaupod ang ila Lin-ay sa Barangay suksok ang Festival Costume nga nagarepresentar sa ila lugar.
Magapatisipar man ang mga ini sa Nego Tourism Fair sa isa ka dako nga mall sa syudad nga magaumpisa sa Mayo 8 sa diin pagahatagan sila sang kahigayunan nga makabaligya sang mga produkto nga makit-an sa ila nga barangay. | Judy Ann Juare