Pumaguwa eon it Green Alert Status ru Municipal Disaster Risk Reduction Management Office (MDRRMO)-Kalibo dahil sa uwat untat nga pagbuhos it pag-uean halin pa kabie.
Sigidas ru pag wang-wang it serina it MDRRMO-Kalibo nga kun siin naga libot sa mga kalye sa Kalibo nga naga pahiwatig pagka alerto.
Sa fb post it MDRRMO-Kalibo, ru Green Alert Status hay sangka mataas nga Flood Early Warning System nga naga pahiwatag sa tanan nga mga residente nga maging haum sa oras nga tumaas ru bugso it tubi.
Gina monitor it MDRRMO-Kalibo ru mga low lying areas particular C. Laserna St., Kalibo ag tanan nga mga maeapit sa Aklan River nga mga panimaeay.
Padumdom it MDRRMO-Kalibo sa publiko, magdahan kita tanan ag eaging amag evacuate sa mga salbar nga lugar kun kinahangean.//MARIVIC Y. ILIN