Umapela makarun ro pamunuan it MDRRMO Kalibo nga ipasayud kanda ro pirme nga ginaagtunan it mga badjao para magpakalimos, maglako it andang baligya ag magpinangayo it kwarta sa mga saeakyan sa mga daean nga posibleng magtuga it peligro sa mga motorista sa karsada.
Matandaan nga sa mga nagtaliwan nga operasyon it Anti Vagrancy kontra sa mga badjao, may masobra ap-at nga dag on eon ro nakataliwan, nag abot sa masobra P200,000 ro nabuoe sa underwear it sambilog sa mga babayeng badjao.
Nadiskubrehan man nga naga remit sanda it kwarta sa sangka tawo o sa sangka grupo it mga tawo nga may buyot kanda, samtang sanda hay padayun nga nagakabuhi sa kapigaduhon.
Ro makarondaya nga sahi it crime syndicate-style hay naisumite eon sa national agencies. / ANN DESLENE SALAZAR