MDRRMO- Malungon nangandam sa posibleng pag-ulan tungod sa LPA

NANGANDAM ang Municipal Disaster Risk Reduction and Management Office sa Malungon, Sarangani Province sa posibleng pag-ulan nga magdala og pagbaha sa lugar tungod sa nasinatiang epekto sa Low Pressure Area nga nakasentro sa kasikbit nga lugar partikular Davao City .

Butyag ni Jessie Dela Cruz labaw sa MDRRMO-Malungon nag monitor sila sa tanang Barangay sa nasangpit nga Munisipyo ug wala pay taho nga miabot sa ilang opisina kalabutan sa epekto sa maot nga panahon sa lugar.

Apan luyo niini nagdeploy na og mga disaster team ang LGU-Malungon sa tanang Barangay aron matabangan ang mga tawo kung mubundak ang kusog nga ulan ug malikayan ang unsa mang panghitabo. Nagapahimangno si Dela Cruz sa mga residente nga siguruhong luwas ang pamilya, magpalayo sa punuan sa kahoy ilabi na kung kusog ang hangin.

Gilayong magpatala sa otoridad kalabutan sa mga panghitabo sa palibot. Sa karon nagmonitor ang tibuok disaster team sa nasangpit nga munisipyo ngadto sa mga lugar nga nasakop niini. I Enamie Mogpon

Leave a Reply

Your email address will not be published. Required fields are marked *