Meatshop gitulis, usa sa mga suspek dakpan sa hot pursuit operation

Wala magsilbi ang kaidlas sa usa sa mga suspek sa kasong pagpanulis sa meatshop kagabii mga bandang alas 9:30 ang takna sa kagabhion sa P-6 Poblacion, Loreto, Agusan del Sur human madakpan sa usa ka hot pursuit operation nga gilusad sa Loreto MPS pinaagi sa pagmontar ug mga checkpoints mga bandang alas 10 ang takna sa gabii.

Naila ang nadakpang suspek nga si Paul Sandino Maravillas Lareta, 20-anyos, ulitawo, laborer ug residente sa Purok-7, Brgy. Caigangan, Veruela, Agusan del Sur.

Sa pakighinabi kang Police Captain Alberto J. Casison sa Loreto Municipal Station, nga mga bandang 9:30 ang takna sa gabii, nagpakarun-ingnon matud pa nga mupalit ug tibook nga manok ang mga suspetsado dayong deklara ug tulis pinaagi sa pag-tion sa mubo nga armas ug gikuha ang halin nga mukabat sa P4,000 ka pesos ngadto na sa negosyanteng sila Erom Bandoy Umpad, 26-anyos, ulitawo, adunay kalive-in partner, negosyante ug Girlie Bliezle Veliso Sancio, 23-anyos,usa ka magtutudlo, mga puros residente sa maong lugar.

Sa pagdawat sa kapulisan sa impormasyon, nagmontar gilayon kini ug chokepoint sa entrance ug exit sa nahisgutang lugar ug na-flagged down ang suspek nga nagmaneho sa usa (1) ka blue nga Yamaha XTZ 125 nga motorsiklo nga adunay plate no. 1101-713898 nga miresulta sa pagkasikop niini. Nakuha sa suspek ang usa (1) ka unit nga .38 caliber revolver, usa (1) ka fired cartridge ug upat (4) ka buhing bala sa .38 caliber revolver nga positibong giila sa mga biktima.

Mag-atubang ang nadakpang suspek sa kasong Robbery ug Illegal Possession of Firearms nga anaa sa inquest proceedings samtang padayon pa ang hot pursuit operation sa wala pa madakping kaubanan sa pagpanulis.
-END-