MECQ status sa Quirino Province, pinalawig

Pinalawig ng Pamahalaang Panlalawigan ng Quirino ang pagsasailalim sa probinsya bilang Modified Enhanced Community Quarantine na magtatapos sana nitong nakaraang May 14, 2021.

Ito ay alinsunod sa inilabas na Executive Order No. 16 – 2021 ng PGQ na nagsasaad na magtatagal ang MECQ status hanggang May 31, 2021.

Mgapapatuloy naman ang pagsunod sa mga protocols na una nang ipinatupad sa ilalim ng EO No. 14 noong May 1, 2021.

Paiigtingin naman ng Provincial Health Office ang Information Education Campaign kontra COVID19, implementasyon ng programa, proyekto at serbisyo upang matiyak ang kaligtasan ng kalusugan ng publiko.

Sa ngayon, nakapagtala ang lalawigan ng Quirino ng panibagong 2 kaso ng COVID-19 dahilan upang pumalo na sa 250 ang aktibong kaso sa probinsya.

Leave a Reply

Your email address will not be published. Required fields are marked *