LEGAZPI CITY – Aabot sa mahigit 20K na katao ang masisilbihan ngayon sa bagong Rural Health Unit (RHU) sa Jovellar, Albay matapos isagawa ang blessing and inauguration ng nasabing ahensya.
Ayon kay Mayor Joreem Archangel ng Jovellar, libre na ang medikal check-up at mga basic na gamot na ibibigay sa mga tutungo sa rural health unit upang magpakonsulta.
Aniya, mas pinalawak ito ng RHU ngayon upang maging komportable ang mga nagpapakonsulta sa doktor.
Maliban pa rito, makikita na rin sa loob ng RHU ang pre-birthing at dental.
Ang bagong RHU Jovellar ay malaking tulong na rin sa mga mamamayan dahil hindi na nila kailangan pang pumunta sa pribado at Provincial hospital para pumila at magpacheck up.
Dagdag pa nito, malaking kabawasan na rin ito sa pasyente sa BRTTH dahil sa bagong RHU na itinayo sa bayan na kung saan may mga sakit na kayang gamotin na rin.