Mega Farming sa goberno, dalan sa pag-ubos sa presyo sa bugas hangtod P20/kilo

Kampante ang rehiyonal nga buhatan sa Department of Agrarian Reform (DAR) Caraga nga mahitabo ang gisaad panahon sa kampanya ni Pangulong Bongbong Marcos Jr., nga himoong P20 ang kilo sa bugas kun ipadayon ang Mega Farming Program.

Segun ni DAR Caraga Regional Director Leomides Villareal, ilawom sa Mega Farming Program, ang mga mag-uuma, walay nay gasto sanglit ang goberno na ang mo gasto sa pagpalit og binhi, abuno, ug uban pa ug bugtong papel na lang sa mag-uuma mao ang pagtanom sa binhing hinatag ug atimanon hangtod ma-ani.

Ang nakapamahal matod pa ni Villareal sa bugas mao ang mga “middle man” usban pa sa pagtaas sa presyo sa produktong petrolyo ingon man sa abuno.

Himoon ang Mega Farming sa kayutaang gihatag sa goberno ngadto sa mga mag-uuma nga nahimong Agrarian Reform Beneficiary (ARB).

Kun himoon matod pa kini sa gobernong Marcos, segurado si Villareal nga ang presyo sa bugas sa nasod, mo balik sa tag – P20 ang kilo o kaha P15 ang kilo.