Nadakpan it baril ru sangka 15 anyos nga menor de edad samtang naga maneho it motorsiklo sa boundary it Brgy. Andagao ag Brgy. New Buswang, Kalibo, Aklan .
Sa report, sangka tawag sa telepono ru nabaton it Kalibo MPS sa sangka concerned citizen nga naga imporma sa mga kapulisan nga may nadakpan nga eaeaking menor de edad nga may baril sa hawak.
Nakilaea ru suspek nga sangka 15 anyos nga eaeaki nga si Alyas Ronron ag residente it Sito Kawatihan Brgy. Pook Kalibo, Aklan.
Sa pag responde it mga kapulisan, nakita ag nakumpiska sa suspek ru bag-ong 9mm nga baril nga may serial no. 11654 , magazine, 4 live ammunition.
Rason nga gin daea sa Kalibo MPS ru suspek nga menor de edad para maid-id nga imbistigasyon.
Nasayuran nga halin sa Pastrana Park, Kalibo ru suspek ag naga pauli eon konta kadungan it mga ka grupo ku nagtawag sa mga kapulsian matapso nanda kuyugon ag pukwon ru suspek.
Sa makaron, presenting nasa kustodiya eon it Kalibo MPS ru menor de edad nga nadakpan it baril para sa naga kaigo nga disposition.//MARIVIC Y. ILIN