Pilason ang isa ka menor de edad nga lalaki nga nagasakay sa bisikleta matapos mabungguan sang motorsiklo sa Brgy. Tiza, Roxas City.
Ang wala na ginhingadlan nga biktima ang residente sang nasambit nga lugar samtang ang suspek nga nakabunggo amo si Loreto Anot Jr., isa ka construction worker kag residente sang Brgy. Inzo sining syudad.
Sandig sa imbestigasyon sang Roxas City PNP, samtang nagamaneho si Anot sang iya motorsiklo gikan sa San Roque Street, Brgy. Inzo padulong sa Brgy. Milibili pag-abot sa lugar nga ginluntaran sang aksidente, hinali nalang sini nabungguan ang menor de edad nga lalaki nga magaliko sa wala padulong sa San Roque.
Bangud sini, natumba ang biktima kag nag-angkon sang pilas sa tuhod kag tiil.
Madasig naman ini nga ginpadangat sang Roxas City Emergency Response Team (RCERT) sa pribado nga hospital para sa nagakaigo nga pagbulong.
Nahibaluan nga sang natabo ang aksidente yara sa impluwensya sang makahulubog nga ilimnon si Anot. Ginkustodiya naman ini sa Roxas City PNP lakip ang iya motorsiklo kag bisikleta para sa nagakaigo nga disposisyon. | Judy Ann Juare