Nanghunaw matud pa ang DSWD sa Toril mahitungod sa usa ka Alyas Richard, 15 anyos nga nailang maoy ug abusado diha sa Vales, Toril, Davao City.
Personal nianhi ug nagpatabang dinhi sa sibyaanan ang reklamante human gipakaulawan ug giguba pa ang iyang gitukod nga balay diha sa maong lugar.
Lakip nireklamo batok sa kinse anyos ang kaugalingong igsoon niini nga sumala pa dili sila kabadlong sanglit apilon silag kulata niini.
Sumala sa reklamante, nasobraan ang kamaoy sa maong batan -on nga kanunay nanghambog nga daghan matud pa siyag kaila nga pulis.
SA dihang giduaw sa reklamante ang buhatan sa DSWD, bahugno kini human giingnan nga wala silay mahimo batok sa bayolenteng batan- on tungod minor de edad kini. Masaksihan diha sa fb page sa 91.5 Brigada News FM Davao ang video nga kuha sa ilang silingan nga mahadlok na mobalik sa ilang gipuy -an sa Vales, Toril, human giguba niini ang gitukod niini nga barong barong.
