Menor de edad sikop sa kasong rape

BALHOG na sa selda sa kapulisan ang usa ka menor de edad nga may kasong rape.

Giila ni Police Major Carl Jayson Baynosa, Station Commander sa San Isidro Police Station ang nasikop nga batan-on nga si alyas Jay nga residente sa Purok 4, New Mabuhay, Barangay San Isidro, GenSan.

Segun kang PMaj Baynosa, bandang alas-8  sa buntag Abril 20 naaresto si Jaydee subay sa warrant of arrest sa kasong rape nga gipasaka sa mga otoridad.

Tungod minor pa ang dinakpan, gilayung gitugyan ngadto sa Women and Children’s Protection Desk kun WCPD alang sa hustong disposisyon.

Gipaniguro usab ni PMaj Baynosa nga ilang ipadayun ang pagpakusog sa matag lakang sa kampanya batok sa tanang matang sa krimen alang sa kahapsay ug kahusay sa syudad.

Leave a Reply

Your email address will not be published. Required fields are marked *