Menor de edad ug senior citizen bawal mosakay og bus

Dili tugutan sa management sa Davao City Overland Transport Terminal nga makasulod ug makasakay sa bus ang mga minor de edad ug mga senior citizens.

Mao kini ang gibutyag ni DCOTT Manager Aisa Usop, kungdiin iyang giklaro nga oras nga ilang makit an ang mga minors ug seniors diha sa entrance, ila gilayon kining i-screen  subay sa protocol sa local nga kagamhanan.

Gipahimangnuan na usab  ni Usop ang mga bus operators  nga likayan ang pag pickup ug pasahero diha sa kadalanan nga dunay minor de edad ug senior citizen.

Gikan sa kanhi 800, aduna nalang karon 200 kA bus trips matag adlaw ang DCOTT  tungod sa travel restrictions nga gipatuman ilalum sa MECQ nga molungtad hangtod karong Hunyo 20.

Matud ni Usop, gikan sa 50 ka pasahero matag bus trip sa wala pay pandemic, 25 ka pasahero na lamang ang gitugutang mosakay sa matag bus trip aron matuman ang 50% capacity aron masiguro ang social distancing.