Mental Health – Online games kag social networking sites isa sang mga rason sang nagaluntad nga krimen sa komunidad

Naga panugyan ang mga Mental Health Experts dapat mangin mabinantayon ang publiko putoy sa mga pamatasan kag pangginawi sang mga tawo ilabi na sang mga kabataan bangud ini ang isa sang mga contributing factors sa pagluntad sang mga nanuhay-tuhay nga krimen kumunidad.

Sa exclusive interview sang Brigada News Fm Bacolod kay Technological University of the Philippines (TUP) Visayas – Phycologist Dr. Danalyn Lastima ginpahayag sini, isa sang madamo nga rason para sa mga pamatan-on sini nga henerasyon kag maka impluwensya sang ila ugali ang pagka buyo sa online games kag online contents sa diin ang tuman kadako nga uras sang taksa ka adlaw sang mga hubinis ang yara na sa mga gadgets.

Paathag ni Dr. Lastima, ang mga bayolinte kag binastos nga mga lalantawon kag hampang sa online ang naga tuga sang dako nga ipikto sa pamatasan kag huna-huna sang mga tawo ilabi pa sa mga lamharon. Dugang ni Lastima nakita sa pagtuon sang World Health Organization mas nagtaas ang kaso sang suicide and suicidal attempt bangud sang COVID19 pandemic kag ini ang isa sang naga dugang sa kon tawgon sang mga Psychologist nga Stressor sa atun kabuhi ilabi ang sa bahin sa mga senior citizen sa diin ini sila ang naga kadulaan sang paglaum nga mabuhi pa s auras nga ini sila ang magpositibo sa COVID19 kag ini sila naga disisyon nga maghikog bangud amo na lang ang nakita nga rason agud maka palagyo sa ila kahimtangan.

Gani ginapanugyan ni Dr. Lastima sa mga ginikanan sang mga minor de edad, dapat hatagan sang giya ang mga kabataan subong man ang mga senior citizen nga intyendihon, pagpalawigon ang pagsenya kag dapat magdangup sa mga mental health professionals. Via| Richard Pauyon