Pabiling pakyas ang Metro Cebu sa pagkab-ot sa traget nga ihap sa vaccination turn-out sud sa tibuok semana sugod sa Nobyembre 1 ngadto sa 7.
Kini ang giangkon ni Dr. Mary Jean Loreche ang tigpamaba sa Visayas Vaccination Operations Center kon VVOC.
Basi sa datus sa buhatan naa lang sa 31% ang nabakunahan sa first dose gikan sa target nga 148,000 doses samtang ang sa second dose, miabot sa 74% ang nabakunahan sa target nga 51,641 doses.
Nagpasabot kini nga minus ang ihap sam ga nagpabakuna sa first dose hinuon, taas ang ihap sa mga nitunga alang sa ilang second dose vaccination.
Sa uwahing datos sa buhatan, naa na sa 53.7% ang ihap sa mga indibidwal nga fully vaccinated na batok sa Covid-19 sa metro cebu nga gilangkuban sa dakbayan sa Sugbo, Mandaue, Lapu-Lapu, Consolacion, Talisay, Minglanilla ug Naga.