Inanunsyo ni Inter-Agency Task Force spokesman Harry Roque na mananatili ang Metro Manila sa ilalim ng modified enhanced community quarantine hanggang sa Sept. 7.
Kasabay nito, ibinahagi rin ni Roque ang community quarantine classifications sa iba pang lugar, mula Sept. 1 hanggang 7.
Kaugnay nito, nasa ilalim rin ng MECQ ang Apayao, Ilocos Norte, Bulacan, Bataan, Cavite, Lucena City, Rizal, Laguna, Aklan, Iloilo Province, Iloilo City, Lapu-Lapu City, Cebu City, Mandaue City, at Cagayan de Oro City.
Ayon sa opisyal, kailangan ring idagdag sa NCR, Bataan, at Laguna ang restrictions sa dining, personal care services, at religious activities, bagama’t hindi na nito ipinaliwanag.
Samantala, ang Ilocos Sur; Cagayan; Quezon; Batangas; at Naga City sa Luzon ay nasa ilalim ng general community quarantine with heightened restrictions, kasama ang Antique; Bacolod City; Capiz; Cebu province at Negros Oriental para sa Visayas.
Pasok rin sa GCQ with heightened restrictions ang Zamboanga del Sur; Misamis Oriental; Davao City; Davao del Norte; Davao Occidental; Davao de Oro at Butuan City para sa Mindanao. // MHEL PACIA-TRINIDAD