LEGAZPI CITY – Kinumpirmar kan Department of Tourism (DOT) Bicol na magkakaigwa nin Pastores 2023 para sa anom na mga probinsya sa rehiyon sa bulan nin Disyembre.
Segun kay DOT Bicol Regional Director Herbie Aguas, pigpaplantsa pa ninda an mga aktibidad na gigobohon sa probinsya katakod kan Pastores.
Naghahanap pa sinda nin venue asin pig-oolayan pa an petsa kun nuarin ini pupunan.
Dugang pani Aguas, pag-ooralayan pa kan saindang ahensya kasabay an mapipiling host na lokal na gobyerno tanganing maplantsa an mga aktibidad asin makapaghanap nin sponsor.
Sinabi pa niya, posibleng magtao giraray an DOT nin cash sa mga mapartisipar asin iba pang gagastusn para sa preparasyon asin costumes.