Mga babae sa Pilipinas mas mahusay sa Math kesa sa mga lalaki – UNESCO

Lumabas sa pag-aaral ng United Nations Educational, Scientific and Cultural Organization (UNESCO) na mas mahusay sa Mathematics ang mga babae kesa sa mga lalaki dito sa Pilipinas.

Batay sa inilathala ng UNESCO’s Global Education Monitoring Report na inilabas noong Abril 27, lumalabas na sa matematika, ang gender gap na pumapabor sa mga lalaki sa mga unang baitang ay unti-unting nawawala.

Mas mahusay din umano ang mga babae kaysa sa mga lalaki sa reading at science.

Bagama’t mas mahusay ang pagganap ng mga lalaki kaysa sa mga babae sa matematika sa mga unang taon, natuklasan ng mga mananaliksik na nawawala ang agwat ng kasarian na ito sa sekondaryang paaralan – kahit na sa pinakamahihirap na bansa sa mundo.

Maliban sa Pilipinas nakita din sa Malaysia na ang mga babae ay mas mahusay kaysa sa mga lalaki sa matematika, na may pitong porsyentong nangunguna sa mga lalaki, Cambodia (tatlong porsyento) at Pilipinas (1.4 porsyento).

Leave a Reply

Your email address will not be published. Required fields are marked *