MGA BABOY SA CEBU, CITY, GIPANGSUSI SA DVMF

DILI magpakampante ang Department of Veterinary Medicine and Fisheries sa lungsod sa Sugbo sa posibilidad nga makasulod ang African Swine Fever (ASF).

Matud ni Dr. Jessica Maribojoc, DVMF head nga nagpadayon sila sa random blood sample collection sa backyard hog raising sa matag barangay.

Aduna na ‘sab matud pa silay naila nga mga hotspot nga Barangay.

Usa na niini ang Barangay Bulacao diin nakadawat sila og mga report sa mga nangamatay sa mga baboy sa lugar.

Hinuon adunay katin-awan si Maribojoc human naalarma ang mga opisyal ug residente sa Barangay Bulacao nga ang ilang baryo gipaubos sa scope sa DVMF tungod sa mga taho bahin sa pagkamatay sa baboy.

Ang mga sample sa dugo sa mga baboy gikan sa Barangay Tisa, Buhisan, Cogon Pardo, Inayawan, Cambinocot, Sudlon, Busay, Toong, Sudlon 2, Lusaran, Bonbon, Baba, ug Budlaan gikolekta usab sa DVMF.

Dugang ni Maribojoc nga ang tanang samples gisumite sa Department of Agriculture-Bureau of Animal Industry ug ang tanan negatibo sa virus.

Kung adunay ASF virus sa lungsod, si Maribojoc nagkanayon nga ang tanan nga mga baboy sa sulod sa 500-meter radius kinahanglan nga idisposed pinaagi sa culling.

Sigon niini nga aduna nay proposal ang syudad nga mohatag og kompensasyon sa mga mag-uuma nga maapektuhan sa depopulasyon sa baboy.

Sa ilawom sa inisyal nga sugyot, ang usa ka hog raiser mahimong makadawat og P14,500 kada “breeder pig” apan para lang sa maximum nga 10 ka baboy.

Para sa mga “fattener pig” ang usa ka mamuhiay og babaoy mahimong makakuha og P10,000 kada baboy para sa maximum nga 20 ka baboy.

Gawas sa animal health surveillance, ang DVMF moadto usab sa mga barangay nga adunay backyard pig farmers aron magpahigayon og information ug education campaign bahin sa virus.///Michelle Craste